ສປປ ລາວ ໄດ້ຮັບໂຍບາຍສິດທິພິເສດໃນການເຂົ້າເຖິງຕະຫຼາດ ແລະ ການຄ້າສາກົນ ຈາກສະຫະປະຊາຊາດ, ໂດຍທີ່ໄດ້ເອົາລາວຈັດເຂົ້າເປັນສະມາຊິກທີ່ຮັບບຸລິມະສິດນະໂຍບາຍພິເສດ（GSP）ລວມມີ 42 ປະເທດ ແລະ ພາກພື້ນ ໂດຍໄດ້ຮັບນະໂຍບາຍພິເສດໂກຕ້າພາສີສິນຄ້າ, ມີສະມາຊິກບັນດາປະເທດອາຊຽນ, ອົສຕາລີ,ແຄນນາດາ, ຍີ່ປຸ່ນ, ນິວຊີແລນ,ໂນເວ,ລັດເຊຍ,  ສະວິດເຊີແລນ, ຕວກກີ, ເບລາລຸດ, ອັບການິກສະຖານ, ອິນເດຍ, ຈີນ ແລະ ເກົາຫຼີ. ຊຶ່ງໃນນັ້ນລາວໄດ້ຮັບບຸລິມະສິດນະໂຍບາຍພິເສດ（EBA）ສູງສຸດຂອງອາຊຽນ, ສິນຄ້າທັງໝົດຂອງລາວສົ່ງອອກຕະຫຼາດປະເທດອາຊຽນແມ່ນຈະໄດ້ຮັບນະໂຍບາຍປອດພາສີ  ແລະ ຈະບໍ່ມີການກໍານົດໂກຕ້າສົ່ງອອກ.

    ດ້ວຍຜົນສຳເລັດໃນການການສ້າງຕັງເຂດຄ້າເສລີລະຫວ່າງອາຊຽນ-ຈີນ, ຄູ່ຮ່ວມມືເສດຖະກິດຮອບດ້ານອາຊຽນ-ຍີ່ປຸ່ນ, ການຄ້າເສລີອາຊຽນ-ເກົາຫຼີ, ການຄ້າເສລີອາຊຽນ-ອົດຕາລີກັບນິວຊີແລນ,  ສປປ ລາວ ໃນຖານະທີ່ເປັນສະມາຊິກຂອງອາຊຽນ ແມ່ນໄດ້ຮັບນະໂຍບາຍພິເສດຕໍ່ກັບການຄ້າສາກົນ  ແລະ ນະໂຍບາຍດ້ານການຄ້າປອດພາສີກັບບັນດາປະເທດອາຊີ ແລະ ປະເທດອື່ນໆ.

    ໃນຖານະທີ່ ສປປ ລາວ ເປັນສະມາຊິກອົງການການຄ້າໂລກ WTO  ເຮັດໃຫ້ໄດ້ຮັບຜົນປະໂຫຍດຫຼາຍກວ່າສະມາຊິກປະເທດອື່ນໆ, ເຊິ່ງເປັນການຊຸກຍູ້ການເຊື່ອມໂຍງວິສາຫະກິດເຂົ້າສູ່ຕະຫຼາດສາກົນໃຫ້ດີຂຶ້ນ.

    ຜົນບັງຄັບໃຊ້ຂອງສັນຍາຄູ່ຮ່ວມມືດ້ານເສດຖະກິດຮອບດ້ານໃນພາກພື້ນ (RCEP) ຈະເພີ່ມທະວີການແລກປ່ຽນຂອງນັກທຸລະກິດທັງພາຍໃນ ແລະ ຕ່າງປະເທດ, ສາມາດດຶງດູດເອົາເງິນທຶນຕ່າງປະເທດຫຼາຍຂຶ້ນ ແລະ ນໍາເອົາຜະລິດຕະພັນລາວກ້າວໄປສູ່ຕະຫຼາດການຄ້າສາກົນທີ່ກວ້າງຂວາງ.